إعادة نشر عن Expo pregnancy
بتعرفي أنه سرطان الثدي من أكثر الأورام شيوعًا بين السيدات بعد سرطان الجلد؟ 
لهيك سيدتي التشخيص المبكر واكتشاف المرض خطوة مهمة كتير بعلاج السرطان خاصة بمراحله الأولى 
الوقت الأنسب لعمل صورة الماموغرام مباشرة بعد الدورة الشهرية (قبل منتصف الدورة القادمة) 
لازم نتجنب الأسبوعين اللي قبل الدورة الشهرية التالية بسبب التغيّرات الهرمونية التي تؤثرعلى ثدييك وبحال انقطاع الدورة الشهرية أو بلوغ سن اليأس، أو صار عمرنا ب 40 وما فوق لازم نعمل الفحص بوقت محدد كل سنة أو سنتين تقريباً. 
فحص الماموجرام هو إجراء آمن تمامًا، متل أي نوع من أنواع الأشعة السينية، المريضة بتتلقى كمية صغيرة من الأشعة أثناء التصوير لهيك مخاطره وأضراره قليلة. بحال كنتِ حامل أو عم ترضعي لازم تخبري دكتورك ممكن يحولك لطرق تصوير تانية متل فحص الثدي بالموجات فوق الصوتية لأنو آمن أكتر.
إما إذا كان لا بد أن تخضع السيدة الحامل للماموجرام قبل ولادتها؛ فرح يطلب منها الطبيب ارتداء واقي من الرصاص ضد الأشعة السينية لحمايتها وحماية جنينها من أي مضاعفات.
لا ينصح بإجراء صورة الماموجرام إن كنت حامل أو مرضعة. استشيري طبيبك في حال كانت عندك أي أعراض أو تغيّرات تزعجك. إذا كان عندك أي تاريخ عائلي للإصابة بسرطان الثدي أو أي مشاكل أخرى في الثدي، فلازم تخبري طبيبك لتحديد العمر المناسب للبدء بفحص الماموغرام، ومتى يجب تكراره.وتبقي بخير 
الإعداد: فيحاء جبارة
ليست هناك تعليقات:
إرسال تعليق