اجتمعت اليوم مع الاستاذ عبدالله البواب رئيس مجلس المدينة وعرضت عليه فكرة وضع براميل بجانب الحاويات . برميل للبلاستيك ( بيدونات وقناني زيت وكولا فاضية العلب بلاستيكية وووو ) قناني قزاز علب تنك فاضية ( بيرة كولا ) ورقيات ( كرتون دفاتر ووو ) وبرميل اصغر لبقايا الطعام ( قشور فواكه قشور خضروات بقايا خبز وووو )
وتقابلنا مع عدة اشخاص من النبيشة حتى جماعة الطنابر وطرحنا عليهن الفكرة وابدو استعدادن للتعاون على مبدأ ( الاهالي تلتزم بلفرز وهني يلتزمو بعدم النبش ) والمحزن انو النيشة اشتكولي على بعض اهل الحي بيوصلو قبل الحاوية ب ١٠ امتار وبيشلفوها ووين ماتجي تجي
.
مبدئيا رئيس المجلس ماعارض الفكرة بس ماكتير تأمل بنجاحا على اساس انو الاهالي مارح تتعاون بلفرز . اكدنا عليه التعاون من الاهالي ورح نتعذب مدة لبين مايتعودو النبيشة انو قد مانبشو بالحاوية مارح يلاقو شي بيخصن وطلبن موجود بالبراميل المخصصة فقط .
الشغلة ماكتير صعبة ، البلاستيك بينحط بكيس وبقايا الاكل بتنحط بكيس ( نفس الاكياس يلي منجيب فيها الخضرة . يعني مافيها تكلفة )
اذا كل ست بيت حطت علبة صغيرة تحت المجلى جانب السطل الرئيسي صدقوني مانا صعبة وشوي شوي بتصير عادة حضارية
وهلأ صارت الكرة بملعب اهالي الحي ، إما بتقولو نكمل بشرط التعاون لنظافة شوارعنا او لا .
مابدنا نتكلف حق البراميل ومانلتزم وتفشل القصة .
ناطرين جوابكن
وأي حدا عندو اقتراح بيفيد الفكرة بتمنى يكتبا
ليست هناك تعليقات:
إرسال تعليق