وأنتم، شاركونا تجاربكم في هذا المجال
تجربتي لدفع فاتورة الهاتف و ADSL عبر الحساب الرقمي ببنك البركة
- قبل مدة أنشأت حساب مصرفي رقمي من بنك البركة بدون ما أنزل عن الكرسي تبعي (بالتعليق الأول كل التفاصيل)
- من فترة رحت ع أحد الفروع وشحنته بمبلغ (ما فينك تسحبه نقداً، لذا اشحن اللي تحتاج إنفاقه على الدفع الإلكتروني فقط)
- وهالمرة قلت لأجرب أدفع فاتورة الهاتف و ADSL من مزود تراسل من خلاله، العملية سلسلة للغاية وبدون أي عمولات.
- تطبيق بنك البركة بيحولك عالمتصفح لما بدك تدفع الفاتورة مو ضمن التطبيق نفسه (متل تطبيق بيمو) لكنه بيدعم خاصية تسجيل الدخول بالبصمة المسجلة مسبقاً بهاتفك.
- الطريقة سهلة للغاية ومتل الدفع من الحساب الجاري، بتعمل استعلام ع فواتيرك من أي رقم بعود لنفس المشترك، بتظهرلك كل الفواتير وفينك تختار أي منهم تدفعهم، وبكبسة زر بيندفع الكل وبيوصلك SMS تأكيد العملية وبتتغير حالة الفاتورة.
- العملية مو بس أريح بكتير من الطريقة التقليدية (زيارة البريد والوقوف بطابور والعلقة مع الموظف)، كمان أوفر! بتدفع فاتورتك بالليرة بدون أية تكاليف تانية.
- في ظل التحوّل الرقمي بالبلد اللي نحن ببداياته المبكرة جداً، ما ضلّ عند أي أحد حجة أن يكون جزء منه، سواء بحساب مصرفي رقمي أو بحساب دفع بالموبايل (بالتعليق الأول كل التفاصيل)، كلها متوفرة ومجاناً للكل وبتسهّل حياتك ورح تنتشر بسرعة.
- الجديد بهي التجربة مو دفع الفواتير من التطبيق البنكي، انما الجديد هو الدفع من حساب مصرفي رقمي يتم انشاءه بدون زيارة البنك وتقديم وثائق و 30 توقيع مطابق
ليست هناك تعليقات:
إرسال تعليق