علّق وأضاف Waleed Chayeb :
مع ازدياد عدد المنضمين لهي الخدمة وانتشارها على نطاق واسع، بيبقى فقط وجود ال payment gateway (ويلي هو الجزء السهل) يلي بيتيح للمواقع والمتاجر داخل سوريا التواصل مع هي الخدمة وبالتالي تنفيذ عمليات الدفع وتحقق معضلة "الدفع الإلكتروني".
يبدو أن الدفع الإلكتروني بلش يصير واقع ونحن منبعد بضعة أشهر لنشوف هل ميزة متاحة بالمتاجر ضمن البلد!
عجب هل في مشاريع حالياً لمتاجر إلكترونية تخدم مناطق ومدن بالبلد؟
هل يلي عنده متجر حالياً بلش يفتح متجر إلكتروني وبدأ بالتحضير وعرض المنتجات؟ هل عم يتم فتح خدمة الدفع عند الباب كجزء من مرحلة تجريب المتجر وتعريف الناس بهل خدمة لبين مايتفعل الدفع الإلكتروني؟
هل مجتمع التقنيين بالمدينة عم يلعب دور بهل سياق وعم يطرح خدماته بالشكل المناسب؟
مع موجة المتاجر الإلكترونية القادمة رح يكون في انتعاش لقطاعات تانية، متل التسويق الإلكتروني، تصميم الغرافيك، التوصيل، التغليف والطباعة.. هي المجالات كلها حالياً فرص ذهبية للدخول ولبدء المشاريع...
من النماذج المميزة حالياً متجر الفنري بحلب:
على سبيل المثال هاد المتجر عم يبني قاعدة جماهير من أشهر ومجهز حاله ليكون أول المستفيدين من هي النقلة.
تجربتي في الحصول على حساب بنكي رقمي في بنك البركة مجاناً وخلال ٢٤ ساعة
مع ان عندي حساب بنكي جاري ببنك بيمو، لكن ردت اعمل التجربة لانقلكم ياها.
تالتاً بعد يوم عمل واحد تم إنشاء الحساب ووصلتني رسالة فيها رقم الحساب وكلمة السر و رمز pin
رابعاً حملت التطبيق الرسمي للبنك ودخلت عليه وبيدعم البصمة لتسجيل الدخول
معلومات لازم تعرفها:
- هاد اسمه حساب رقمي يعني وظيفته الاساسية الدفع الالكتروني ضمن سوريا وبشمل دفع فواتير الخدمات الحكومية (كهربا مي اتصالات انترنت مركز خدمة المواطن نقل ادارة محلية عقارات ورصيد الموبايل ..إلخ) واستلام تحويلات من عملاء البنك
- مافينك تسحب الرصيد نقدا.. لإنه حساب رقمي
- مستقبلا فينك تحوله لحساب مصرفي عادي بزيارة الفرع وتقديم الوثائق المطلوبة وبالتالي تسحب الرصيد نقداً
- الحد الأقصى لرصيد الحساب هو ٥ مليون ليرة.. ولا يوجد حد أدنى
- لا يمكن استخراج بطاقة صراف للحساب
- لا تحصل على أية ارباح من الحساب
- يتم شحن الحساب اما من زيارة اي فرع او حوالات واردة من زباين البنك او عبر الوكلاء يعني القصة رح تكون بسهولة شحن رصيد موبايل
- لا يمكن استلام حوالات خارجية (باي بال او ويسترن يونيون او تحويل بنكي) - ولا يدعم الدفع الالكتروني الخارجي (فيزا او ماستر كارد او تسوق من المتاجر)
- تكلفة الحصول على الحساب الرقمي مجانية ولا توجد أي عمولات مخفية
- لا معلومات لدي عن تكلفة ادارة الحساب الشهرية كونهم لم يعلنوها بعد علما انها ببنك بيمو للحساب الجاري ٤٠٠ ليرة
- المفروض تطبيق شرط تحريك الحساب مرة واحدة على الاقل كل فترة ١٠-١٢ شهر للحفاظ عليه من التجميد (هي شروط المركزي)
- لو عندكن أسئلة عن الموضوع حطوها بتعليق لاجاوب عنها او جبلكن جوابها بس اشحن الحساب وبلش استخدمه
ليست هناك تعليقات:
إرسال تعليق